Level UP
Hakatonu

Level UP — ağıllı ev sistemləri, avtomatlaşdırma və IoT (Internet of Things) sahəsində innovativ həllər yaradılmasına yönəlmiş 36 saatlıq hakatondur. Hakatonda iştirakçılar komandalar halında real mikrocihazlar problemlərinə texnoloji həllər hazırlayır, prototip yaradır və peşəkar münsiflər qarşısında layihələrini təqdim edirlər. Məqsəd gəncləri IoT və kibertəhlükəsizlik sahələrində birləşdirərək dayanıqlı gələcək üçün innovativ həllər ortaya qoymaqdır.

Texnologiya və innovasiyaya marağı olan gənclər, Azərbaycan universitetlərinin bakalavr və magistr tələbələri, eləcə də startap düşüncəli iştirakçılar iştirak edə bilər. İştirakçıların proqramlaşdırma, elektronika, IoT, dizayn, layihə idarəetmə və ya kibertəhlükəsizlik sahələrindən birində bilik və bacarıqları olması arzu olunur. Yaş məhdudiyyəti yoxdur, lakin komanda üzvlərinin əksəriyyəti gənclərdən ibarət olmalıdır.

Hər komanda minimum 3, maksimum 5 nəfərdən ibarət olmalıdır. Komanda rəhbəri qeydiyyat zamanı bütün üzvlərin məlumatlarını daxil edir. Komandada fərqli bacarıqlara sahib üzvlərin (developer, hardware mühəndisi, dizayner, biznes analitik və s.) olması tövsiyə edilir. Bu, hakatonda daha güclü və çoxşaxəli layihə hazırlamağa kömək edəcək.

Xeyr, Level UP Hakatonu tamamilə pulsuzdur. Bütün iştirakçılar üçün hakaton müddətində yemək, içki və iş mühiti təmin edilir. Bundan əlavə, hər iştirakçı sertifikat, mentor dəstəyi və təlim proqramından yararlanma imkanı əldə edir.

Ümumi mükafat fondu 5 000 AZN-dir. 1-ci yerə 2 500 AZN, 2-ci yerə 1 500 AZN, 3-cü yerə 1 000 AZN mükafat verilir. Bundan əlavə, bütün finalistlər investor əlaqələri qurmaq və akselerasiya proqramlarına qoşulmaq imkanı əldə edəcəklər.

Hakatonda 4 əsas istiqamət mövcuddur: Qarşılıqlı əlaqəli mikrocihaz ekosisteminin qurulması — IoT cihazları arasında etibarlı və təhlükəsiz qarşılıqlı əlaqə; IoT əsaslı avtomatlaşdırma həlləri — proseslərin optimallaşdırılması; Evlərin və şəhərlərin ağıllı idarəetmə və nəzarət sistemləri — mərkəzləşdirilmiş platformalar; Təhlükəsiz və dayanıqlı sistemlərin yaradılması — kibertəhlükəsizlik və məlumat qorunması.

Hakaton 36 saatlıq intensiv format şəklində Bakıda keçiriləcək. Proses açılış mərasimi ilə başlayır, ardınca mentorlarla görüşlər, intensiv prototipləşdirmə sessiyaları, ilkin pitçlər və final təqdimatları ilə davam edir. Qalib komandalar mükafatlandırılır.

Hakatondan əvvəl 4 mərhələli proqram çərçivəsində IoT və ağıllı ev sistemləri üzrə təlimlər keçirilir. Təlimlər kibertəhlükəsizlik, biznes modeli hazırlanması, pitch təqdimatı hazırlığı və digər vacib mövzuları əhatə edir. Bundan əlavə, sahə mütəxəssisləri tərəfindən mentor dəstəyi təmin edilir.